القائمة الرئيسية

الصفحات

أخر الاخبار[LastPost]

السهل المستحيل وصفات لست البيت

السهل المستحيل وصفات لست البيت

السهل المستحيل وصفات لست البيت


❶ تعرفى انك لو جيبتي معلقة صغيرة سكر وعليها نقطتين سائل مواعين وفركتى ايدك بيها كويس بعد م أكل السمك هتضيع ريخة السمك تماما من ايدك

❷ فى فنجان صغير حطى معلقة كربوناتو وعليها عصير ليمون هيفور خدى الرغوة على فرشة الاسنان وادعكى اسنانك بيها مرة فى الاسبوع وشوفى فرق البياض سنانك هتنور

❸ لتنظيف المراوح او المرايات او الشفاط ، فى بخاخة اخلطى كربوناتو وخل ورشيه وامسحي بفوطة هتلمع علي طول من اول مرة ، لو فيه دهون الشفاط رشي كربوناتو الاول وسبيه خمسة وبعدين رشى الخلطة بتاعتك وسيبيه خمسة واغسليه بالليفة وشوفى النضافه

❹ تعرفي ايه سر ان اكل امهاتنا وجداتنا كان طعمه مميز وجميل ، السر في النار الهادية ، لما بتسوى الاكل على نار عالية بيفقد كتير من قيمته الغذائية ده اولا ثانيا بقي لما بيستوى بسرعة بيفقد العصارة اللى فيه وبالتالى بيفقد كنير من طعمه ، سوى الاكل على نار هادية هيبقي اطعم واحلى


❺ لما تفرمى التوم علشان تخزنيه ماتحطيهوش فى علبة حطيه فى كيس من اكياس الثلاجة وافرديه كويس واطبقي الكيس وبضهر السكينة قسميه مربعات على اد الاستخدام وجمديه ، لما تيجى تستخدميه مش هتحتاجى تفكيه كل اللى عليكى تقطعى المربع بس ، وممكن تعملى كدة مع الملوخية كمان هتبقي اسهل كتير


❻ لو عندك قميص بتاع زوجك مغلبك فى المكواة ، بخيه وطبقيه مبروم وحطيه فى الفريز نص ساعة وطلعيه اكوية هيبقا اسهل بكتير


❼ استخدمى الشرابات النايلون القديمة فى تلميع الزجاج والمرايات هتشوفى احلى نضافة


❽ لو عايزة تتخلصي من ريحة الاحذية حطى فيها بودرة تلك او كربوناتو او بيكنج بودر بيمتص الروايح


❾ لما تيجي تعملى اى معجنات حطى السوايل كلها الاول وبعد كدة ضيفى الدقيق شوية شوية لغاية ماتظبطى العجينة ، لان الدقيق ساعات بيختلف من نوع لنوع نوع بيشرب المية كتير ونوع لا ، ولو فى الوصفة خميرة وملح ماتحطيهومش مع بعض حطى الخميرة مع السكر فى الاول وبعدين لما تضيفى الدقيق ضيفى الملح علشان مايأثرش على نشاط الخميرة

***********************


***********************

هل اعجبك الموضوع :

تعليقات